我係嶺南人

煙花

sunofcrhk — Sat, 09 Feb 2008 00:40:16 +0800

大年初二，一年一度的賀歲煙花，本來要去做，因為一單突發，留左在公司睇電視直播煙花，哎呀，舊年初二，send個sms畀人，話希望今年有機會同佢一齊睇，點知唔記得拎假，sorry囉。唔緊要啦，以後每年都仲可以一齊睇嘛，大把日子。

返埋今日，暫時結束在香港的工作，放兩日假，又開始三個月駐北京生涯，最最最遺憾，係下星期四不在香港...唉。

年三十晚，維園見

sunofcrhk — Wed, 06 Feb 2008 13:32:44 +0800

年三十晚返夜記者，意料之內，都係在維園年宵市場，無咩驚喜。年初一放假，要同圍去拜年，最討厭係年初二仲要返夜，淨得番幾日在香港，其實好想抖下，早知拎假，後悔太遲。

祝願要在內地過年的同事行家們，新年快樂，早日返香港。

行花市

sunofcrhk — Mon, 04 Feb 2008 20:30:16 +0800

上星期五晚，即係年廿五，同C小姐率先行維園花市，記得舊年，同一地點，又係一齊行花市，同行仲有幾個友好，一年後今日，變成兩個人拖住手行。

希望以後每個農曆年，都可以一路拖住C小姐行花市，行其他地方。

港區人大

sunofcrhk — Fri, 25 Jan 2008 23:54:03 +0800

今朝做港區人大選舉，曾特首用佢非常普通的普通話講解選舉規則，派選票畀各選舉會議成員，之後問，有無人拎唔到票？無反應，佢又問，又無人拎到多過一張選票？又係無反應。之後佢教大家要用專用筆，塗黑個格仔，要填夠三十六個，唔可以多唔可以少。一切，就好似當年考會考咁，但當望見台上的曾特首，同台下各式人士，覺得埸面好滑稽；而所謂總監票人梁先生，檢查個票箱，之後話，我檢查過個票箱喇，都係空既，而所有電子計票器，都係歸零，頂，好鬼白痴，又好做作囉。

(閱讀全文)

內地股市

sunofcrhk — Wed, 23 Jan 2008 23:58:03 +0800

返兩日sub，做四隻故仔，topic清一色都係「內地股市」！全部唔係出二條就係三條，全部都非常之咁趕，主要是自己的原因，因為財經超級唔在行，要花時間瞭解、吸收，至可以寫故仔，加上呢兩日公司「打風」，在凶險的環境下，戰戰兢兢，嚴重影響工作進度，哈哈，希望聽日唔駛繼續做財經，而且希望公司風暴快過，雨過天晴。

慢慢來比較快

sunofcrhk — Sun, 20 Jan 2008 18:22:11 +0800

同時睇緊兩本書，呢個係我的壞習慣，但就係貪心，本來睇開一本賈平凹的《高興》，十二月時在北京買的，點知突然發現九把刀出咗新書，《慢慢來、比較快》，呢排手頭比較鬆，都唔去搵簡體版，九十二蚊照買，要先睹為快嘛。

就好似明星趕兩組戲一樣，睇唔同的書都要調整心情，哈哈，要諗番故仔講到邊，之前出過咩人物等，好在一本係小說，另一本散文，比較易應付。

睇小說的另一個壞習慣，就係鍾意睇左個結局先，睇我今次忍唔忍得到。

行街

sunofcrhk — Sat, 19 Jan 2008 23:50:32 +0800

最開心就係放假，仲要係一齊放假！行厭銅鑼灣，今日同C小姐去左荃灣，荃灣廣場裝修左，都唔認得路添，在戲院睇左套《末世凶煞》，ok啦，雖然略嫌無頭無腦，但氣氛都算緊張既。

悠閒的一日，拖手行下街，幾開心。

台灣

sunofcrhk — Tue, 15 Jan 2008 09:12:42 +0800

去了一轉台北加高雄，好遺憾，在高雄有行家出了意外，當時我沒有跟車隊，所以不在現場，約半小時後才趕到醫院。記得當天早上我和他才一起搭高鐵由台北南下，轉眼間發生意外，很不開心。

或者當事人是我認識的人，採訪之餘，亦多了一份憂心，對於台灣行家採訪的行徑非常討厭！或者平時我們採訪類似新聞，從來無考慮過傷者家人及朋友的感受。

祝早日康復。

暖暖

sunofcrhk — Fri, 04 Jan 2008 09:00:58 +0800

在北京期間，買到痞子蔡新書，叫《暖暖》。

今次小說男女主角終於衝出台灣，在北京邂逅，上演一段兩岸情緣，結局少少遺憾，涼涼同暖暖，始終唔可能會交疊？

又令我有翻看《檞寄生》的衝動。

新年快樂

sunofcrhk — Tue, 01 Jan 2008 08:55:16 +0800

零六年十二月三十一日，同妳一齊過除夕，達成當時的心願。

今年除夕，更進一步，同妳二人世界一齊過，好幸福。

新一年的願望，出年會唔會成真呢。

新年快樂。

北京

sunofcrhk — Sun, 30 Dec 2007 22:33:23 +0800

去左八日北京，第一次在北京過聖誕，落雪呀，係一個白色聖誕，可惜無摯愛的人陪我一齊分享。

(閱讀全文)

又到聖誕 ... 唉

sunofcrhk — Fri, 21 Dec 2007 09:48:01 +0800

今年聖誕，要返通宵，唔緊要，諗住平安夜都可以早D去食大餐，一樣開心，最緊要有人陪我過，點知突如其來，要上京，唉，打亂哂計劃，好唔開心，最唔開心係，本來期待過一個暖笠笠、二人世界的平安夜，而家要在冷冰冰的北京一個人過，灰到爆 ...

寄望除夕一定要在香港至得！

行山、睇戲之後仲要返工，好忙

sunofcrhk — Thu, 13 Dec 2007 23:16:35 +0800

今日上山頂，記得好似幾年都無去過，朝早十一點到纜車站，打蛇餅，突然發現原來買纜車飛加蠟像館飛唔駛排隊，真開心。細個搭纜車時，覺得好驚，因為好斜，成日驚會跌返轉頭，係就大鑊。

沿住山頂係咁而兜咗一個圈，行咗一粒鐘，遺憾今日空氣差，望落去睇唔到九龍。行完山就去睇蠟像館，都ok吖，閒日人少，可以慢慢影相。前年在北京都試過一條友睇蠟像，但已經無乜記憶。走之後，有人問，點解有劉德華、郭富城同黎明，好似唔見張學友？又真係好似唔多覺，定係我地睇漏咗呢？

(閱讀全文)

屍城30夜

sunofcrhk — Wed, 12 Dec 2007 00:40:07 +0800

下晝在MCL JP睇《屍城30夜》，無想像中咁驚，不過幾血腥，成套戲配樂加埋氣氛都幾緊張，雖然劇情有犯駁的地方，但整體覺得ok，兩個鐘頭都算抵睇啦。

夜晚「一家人」在尚德食飯，咦！點解會有六個人嘅呢！？呵呵呵！

讀專輯

sunofcrhk — Sat, 08 Dec 2007 23:54:58 +0800

今日返sub，竟然，讀哂兩個新聞專輯，ok啦，可能間住一人讀一段，反而無平時讀簡報時咁多螺絲。我到而家為止讀過四次專輯，兩次午間兩次傍晚，分別拍住四個唔同的partner，可惜，未有機會同C小姐一齊讀，我好想架，雖然有人話我地把聲唔襯！

(閱讀全文)

我係嶺南人

煙花

年三十晚，維園見

行花市

港區人大

內地股市

慢慢來 比較快

行街

台灣

暖暖

新年快樂

北京

又到聖誕 ... 唉

行山、睇戲之後仲要返工，好忙

屍城30夜

讀專輯

慢慢來比較快