今朝做港區人大選舉，曾特首用佢非常普通的普通話講解選舉規則，派選票畀各選舉會議成員，之後問，有無人拎唔到票？無反應，佢又問，又無人拎到多過一張選票？又係無反應。之後佢教大家要用專用筆，塗黑個格仔，要填夠三十六個，唔可以多唔可以少。一切，就好似當年考會考咁，但當望見台上的曾特首，同台下各式人士，覺得埸面好滑稽；而所謂總監票人梁先生，檢查個票箱，之後話，我檢查過個票箱喇，都係空既，而所有電子計票器，都係歸零，頂，好鬼白痴，又好做作囉。
選舉結果，我覺得ok啦，起碼唔係廿五個舊人全部連任，討厭的「中指人」以些微票落敗，學佢話齋，要返去檢討下啦。
中午做節live，畀老細話太長，返到公司，起碼又有兩個同事話我隻故仔長，夜晚上網聽返，頂，整整四分鐘！而且做得好鬼差囉，失敗！
仲有，今日在咪兜位，三個電視台同另外兩個電台行家，五個記者都係舊同事，咁邪。
選出新人大，亦意味我要上京做全國人大的日子亦愈來愈近了。
