去左八日北京，第一次在北京過聖誕，落雪呀，係一個白色聖誕，可惜無摯愛的人陪我一齊分享。
今水上京係做人大常委開會，但臨時殺出一個羅就，同期亦要幫手做福田康夫訪華，都好充實，遺憾係無食過羊肉串、烤鴨同水煮魚，食得最多嘅，依然係至愛的金湖茶餐廳。
平安夜，做完野同大棚行家食「羲和雅居」，之後去世貿天階影相，再上阿芬屋企坐，吹下水睇下電視。聖誕休息左一日，打左三圈牌，竟然有斬獲，難得。
做完一星期，今朝坐最早一班機返香港，機場入閘時，門口個姐姐收左我張登機牌，換過一張畀我，話「升艙」喎，哦，upgrade去商務位！正！個位好舒服，又多D野食，正！最開心係，出到機場，有人接機！好鍾意呢個感覺，有人等我返嚟！
