今日上山頂，記得好似幾年都無去過，朝早十一點到纜車站，打蛇餅，突然發現原來買纜車飛加蠟像館飛唔駛排隊，真開心。細個搭纜車時，覺得好驚，因為好斜，成日驚會跌返轉頭，係就大鑊。
沿住山頂係咁而兜咗一個圈，行咗一粒鐘，遺憾今日空氣差，望落去睇唔到九龍。行完山就去睇蠟像館，都ok吖，閒日人少，可以慢慢影相。前年在北京都試過一條友睇蠟像，但已經無乜記憶。走之後，有人問，點解有劉德華、郭富城同黎明，好似唔見張學友？又真係好似唔多覺，定係我地睇漏咗呢？
下晝睇《魔間傳奇》，無想像中咁多嘅「人妖」大戰場面，但will smith成日同條狗在紐約散步的場面，幾震撼，如果畀著我，得番一條友，寧願死咗好過。
夜更有同事倦勤，臨時被徵召客串返夜，都唔係太忙，好彩。希望大家健康，好似總會有同事輪流病咁嘅。
