今日返sub，竟然，讀哂兩個新聞專輯，ok啦，可能間住一人讀一段，反而無平時讀簡報時咁多螺絲。我到而家為止讀過四次專輯，兩次午間兩次傍晚，分別拍住四個唔同的partner，可惜，未有機會同C小姐一齊讀，我好想架，雖然有人話我地把聲唔襯！
夜晚在銅鑼灣的「MR. STEAK」食buffet，野食唔錯，幾種牛扒幾好味，又有魚生同好多海鮮，包括我唔食的生蠔，唯一唔好就係幾迫人，環境太嘈。不過今晚食得超開心，哈哈，因為同C小姐笑住咁食，好幸福。
十一點幾返到屋企，阿媽仲睇緊電視，原來今晚《歡樂滿東華》，記憶之中，除左吳剛食炭，細個時睇《歡樂滿東華》，都總係在屋企打邊爐，唔知點解。但呢幾年都無了。
