呢排忙於做一系列的罐頭訪問，周圍去做專訪，大埔、馬鞍山同赤柱都去過，訪問做完一大堆，至係痛苦的開始，因為起碼要交五隻故仔，齋揀bite都有排，睇怕下星期兩日假要好好努力了。
講真，其實幾鍾意做專訪，因為夠自由，可以自己發揮。記得之前在北京，做過一次人物專訪，係出名游渡海泳叫張健的一個人，條友好犀利，可以在海都不停咁游十幾廿個鐘，令怕水嘅我真係非常佩服，個次專訪我同佢傾左差不多成個鐘，好開心，後尾隻故仔我都有用心去包，可惜無留低copy。
PS 今朝專訪撞到個女仔係聖米迦勒師妹，佢好叻女，呵呵，努力呀！
終於送走溫家寶，謝天謝地。
聽日離開新加坡，對呢個地方一直無好感，嚟過之後更甚，最差係的士，今晚在街截咗四十五分鐘都截唔到，想call車電話又唔通，除左鬧一句「仆街」之外無話可說，仲有，買嘢又貴，總之，感覺差到痺，始終都係香港好，而且我頭先在電話聽到有人話掛住我啊，呵呵。好想快D返香港！
總結呢水，都叫順風順水，都預咗跟阿溫比較攰，但扑過兩次咪，都算係咁，仲有多謝T記拍檔，否則一個人都唔知點做。
仲有，今晚食大排檔，大家放鬆心情，食得開心，我飲咗兩杯啤酒，頭暈暈，唔，好在聽日終於可以自然醒！
聽日離開新加坡，對呢個地方一直無好感，嚟過之後更甚，最差係的士，今晚在街截咗四十五分鐘都截唔到，想call車電話又唔通，除左鬧一句「仆街」之外無話可說，仲有，買嘢又貴，總之，感覺差到痺，始終都係香港好，而且我頭先在電話聽到有人話掛住我啊，呵呵。好想快D返香港！
總結呢水，都叫順風順水，都預咗跟阿溫比較攰，但扑過兩次咪，都算係咁，仲有多謝T記拍檔，否則一個人都唔知點做。
仲有，今晚食大排檔，大家放鬆心情，食得開心，我飲咗兩杯啤酒，頭暈暈，唔，好在聽日終於可以自然醒！
